Aasman ki kirno ne swarn ka usko taaj diya,
Behti hawaon ne bajai basuri jab uska aavahn kiya,
Brahma vishnu mahesh ne ho natmastak, Usey Shakti ka roop shringaar diya.
Racha kar sundar shristi uske charno mein jag janani ka samman diya.
Logon ne banayi murat, usko devi ka tha naam diya. Par le le jab janam wohi devi, kyu lagti bojh tumhe woh hai?
Ho kar janani tumhari bhi kyun kehlati bazaru hai?
Nasht karne par astitva striyon ka, aaj naari hi kyun utaru hai?
Kya kosti nahi antaratma tumhari jab ho jaati gumnaam woh hai? Bas hone ke liye stree ek woh barson se badnaam kyun hai?
Patthar mein bhagwan na dekh par insaano mein insaan toh hai na?
Khulkar saans lene ka usko bhi adhikar toh hai na? Kaalratri se puche woh aaj bhi, mere liye bhi nyaay toh hai na?
Ponch kar surkh nayan uske, uss shav ko god liye maa boli,
Na dharti par insaaf raha na raha vyaktitva insaan ka hai, uthalo shashtra tumhi ab beti
Krurta ka toot ta baandh ab hai.
Krurta ka toot ta baandh ab hai...
___________________________
Mujhe bas yeh samajh nahi aata ke hum log itne insensitive ho kabse gaye hain? Ke log aise serious topic pe bhi memes bana rahe hain.
Reading is an incredible way to broaden our horizons and explore new ideas. If you have had the pleasure of reading my work and been inspired or entertained, please consider supporting me through fan support! It's a great way to show your appreciation and helps me keep creating content. Your generosity and support would mean so much to me and help me continue to write stories that you can enjoy.
Write a comment ...